Elstarigita

Saluton, kunfaremulo!

Esperanta Kunfarejo

Bonvenon al la Esperanta Kunfarejo. Tio ne nur estas listo de anoncetoj por kunfarado. Vi estas invitita fosi pri eblecoj kunfari. Ne temas pri aferoj, kiuj estis, sed pri komunaj aferoj, kiuj estas, estos kaj estu.

Por serĉkadreto vidu sube.

Eblas aboni la blogon por esti informita kiam ekestas nova afiŝo, mem enmeti afiŝon au peti afiŝon de administranto. Bonvolu skribi mesaĝon. Frank Merla malfermis telegram-grupon. Unuopaj anoncetoj aperas ankaŭ en soc.culture.esperanto · nubo.re · linkedin.com · twitter.com · esperanto.masto.host · xing.com

Okaze de plaĉo ne forgesu instigi viajn konatojn kunfari en la kunfarejo. Tio jam estus kunfaro en/por ni en la Esperanta Kunfarejo!

Legu pli

Printempa Reta Kursaro

Anstataŭ PRINTEMPAS 2020 en kastelo Greziljono, okazos PRK en via hejma kastelo:
PRK, ‘Printempa Reta Kursaro’, okazos de la 17a ĝis la 19a de Aprilo.
Restu hejme, sed lernu intense per retaj komunikiloj en virtuala Esperanto-kastelo!

Dum PRK vi lernos multe sed vi ankaŭ multe praktikos kun homoj el diversaj landoj.
La instruado alternigos diversajn formojn de lernado kaj ekzercado, kaj diversajn eblojn de distanca komunikado.
PRK proponos ankaŭ vesperan programon (prelegoj, ludoj, koncertoj, ktp).

‘Printempa Reta Kursaro’ estas malfermita al ĉiuj, kun kvar niveloj de komencanto ĝis C1.
Por informoj pri kondiĉoj, aliĝado, pagado, klaku sur la ligilon:
framaforms.org/printempa-reta-kursaro-1585040804

Ne atendu, la lokoj estas limigitaj je 8 partoprenantoj en ĉiu grupo!
Ni esperas ke tiu nova sperto logas vin por travivi tiun strangan situacion de enfermiĝo.

Kore
Jannick gresillon.org/prk

Helpu Min, Spertuloj!

Alekso MILLER invitas al spertuloj spekti la edukajn filmetojn en sia kanalo kaj komenti kiam vi trovas erarojn aŭ problemojn. Tiel ni povos refari ilin kun pli bona kvalito kaj enhavo dum la nuna epidemio. Li planas uzi pli grandajn gvidkartojn en la filmetoj ĉar nun ili ofte ne estas legeblaj en malgrandaj ekranoj.
Anstataŭ komenti publike, vi ankaŭ povas sendi notojn rekte al mi per la retadreso alexandervaughnmiller{ĉe}gmail.com kun la subjekto “Korektoj” se vi volas. Dankon!
Spektu bonvole: www.youtube.com/watch?v=ug-jb-wtmeA

Kiu deziras pli da voĉa komunikado en la interreto?

Saluton amikoj !

Estus bele havi tutmondan konversacian spacon en kiu esperantistoj povas renkontiĝi iam ajn, por paroli pri io.

Ĉu tia spaco jam estas ie en Interreto, kaj se ne, kiel ni povas krei ĉi tiun konversacian spacon?

Kiujn spertojn vi havas pri la skajplisto de Esperanto (https://docs.google.com/spreadsheets/d/17mC33EBWTYz6_0oYrEcs2VD9LzBCs5MG5bgG-dnLRUM/edit#gid=0), intertempe estas pli ol 1000 nomoj en ĝi.

Ĉu vi jam havas sufiĉe da konversacioj?

Kiu deziras pli da voĉa komunikado en la interreto?

Skribis W. Jakowski

Rimarko de FraLi: En la aplikaĵo “CB Talk” (Android kaj iPhone) estas havebla mapo, en kiu estas indikita kie momente esperantistoj estas parolantaj/alvokeblaj. Oni devas enŝalti “group”, elekti ĉe la landoj “other” kaj en tiu troveblas grupo nomata “Esperanto”. Cetere ekzistas “Esperanta voĉmesaĝejo” kun pli ol 500 membroj en telegram.

MLA serĉas tradukemulojn

Multlingva Akcelilo

Multlingva Akcelilo (MLA) estas kompleta instrumaterialo por enkonduka lernobjekto kiu celas esence plirapidigi lernadon de fremdlingvoj en lernejoj. MLA kiel enkonduko por fremdlingvoj estas aplikita Esperanton por infanoj 8-jaraj kiu servas al infanoj kompreni esencajn elementojn de strukturo de lingvoj ĝenerale. Kaj ne malpli grave, la projekto ebligas ke ĝin povas apliki (instrui) kiu ajn instruisto de fremdlingvoj en lernejoj, ne scianta Esperanton. Sufiĉas instrukcioj, kiujn li trovas en la paĝaro en sia lingvo.

La projekton oni nun povas apliki en jenaj lingvoj: la angla, la germana, la kroata, slovena, slovaka, bulgara kaj rusa. Ĝi ekzistas ankaŭ en Esperanto. Preskaŭ pretaj (praktike uzeblaj) estas jam ankaŭ la versioj de la franca, hispana kaj portugala.

Por ĉiuj aliaj lingvoj, interesitoj, kiuj pretas la instrukciojn kaj gramatikaĵojn traduki al siaj lingvoj, sufiĉas skribi al ni, kiuj okupiĝis kaj ankoraŭ plu okupiĝos pri ĝi. Vi ricevos aliron al projekta tradukilo kaj povos adapti ĝin al nova lingvo.

Fonto: Eŭropa Bulteno, marto 2020.

https://lernu.net/eo/instruado

https://www.europo.eu/documentloader.php?id=512&filename=eb-200-2020-02.pdf

lernolibrojn donaci

Universala Esperanto-Asocio – Landa Agado – Afrika Komisiono 
En la kadro de la laboroj de UEA por helpi la Esperanto-movadon en Afriko, ni petas la esperantistojn unuopajn kaj iliajn lokajn klubojn kaj landajn asociojn, kiuj povas, sendi lernolibrojn en la angla kaj legolibrojn por komencantoj  al la Esperanto-grupo en Bungoma, Kenjo: Adreso: PO.BOX 236, CHWELE, 50202 BUNGOMA, KENYA.
Retadreso: wilyjuma{ĉe}gmail.com
Se vi sendas, bonvolu scigi al UEA, jerrybs21{ĉe}gmail.com, por ke la laborgrupo pri librodonacoj sciu.

La peton sendis Renato Corsetti

Jolie deziras korespondi

Mi estas Jolie Bazirake kaj vivas en Rutshuru, en DR Kongo. Mi naskiĝis en 2005. Mi komencis lerni Esperanton en junio 2019 de Joel Muhire en la klubo REK, Rondo Esperantista de Kiwanja kaj nun deziras bonigi mian Esperanton per korespondado.
Mi ŝatas bestojn, legi, vojaĝi, fari hejmtaskojn kaj Esperanton.
Mi volas esti korespondamikino de ĉiuj, skribu al mi: jolie.baz{ĉe}gmail.com.